نماين العوايل

الشخص الخفيف الدم اللي يحلي القعدة ( الضغيط ):-

و عادة يكون لسانه زفر شوي و مسموح له يتكلم باللي يبيه
طول ما هو قاعد يضغط بالناس
و شنو ما قال الكل راح يضحك
حتى لو عطس
***

متدين العايلة :-

يكون عادة من اللي يعرفون شنو يعني القرأن ومفاتيح الجنان
الصغار يشوفونه ممل لانهم مو فاهمين شنو يقول
و الكبار يقعدون حوالينه متظاهرين انهم مهتمين و مستانسين
بس بقلبهن يتمنون لو الضغيط يجي
***

نمامة العايلة:-

و هذي عادة تكون زوجة احد الاعمام او اولاد العمام او وحده قاطه ويهها بالعايله
هذي اللي عندها الاخبار دايما
و اخبارها لازم تشيل نصها و تصدق النص اللي شلته
عشان توصل للحقيقة اتبهر و تفلفل على كيفها
يحبونها الحريم و يكرهونها و بنفس الوقت بخافون منها
تحس باهميتها لما احد يسألها شنو الاخبار
تعرفونها لما تمشي جنب الطوفه و تقول يا رب السترة
( او ( الجاكيت
***

غني العايلة:-

كل عايلة فيها واحد يكون اغنى من الكل
و بكل عايلة تكون مرته او مرت ولده مركز نظر الحريم شنو لبست ووين راحت و شو سوت
تتحجى من طرف خشمها
و تقعد بطرف الغنفه جنها قرفانة
و اذا بتضيفها أي شي ترفضة او تاخده بس ما تاكله على اساس انها شبعانة ببيتها

****
مديون العايلة:-

كل عايلة لازم يكون فيها واحد بالوعه فلوس)
واهوة الشخص اللي يجيب العار للعايلة بعمايله السوده
يعطونه دين بس يخافون منه لانه بايعها و مو فارقة معاه
يكون عادة طاق الصحبة مع الضغيط اللي يشوف فيه مصدر هام للتنكيت

***
متغرب العايلة
كل عايلة فيها على الاقل واحد يدرس برا
يجي بالصيف بعد المفاجأه الغل** و الكل يكون ناطر الهدايا
لما يوصل يلاقي الكل متجمع و الكل يسلم عليه
و اليهالووه ينلمون عليه و اشتقنالك ومدري ايش
و شوفلنا شغله مع علوشو و الله اخوك اذانا
كانه المسكين فاضي لهم
بعد اسبوع تلاقيه قاعد بروحه
ولا حد سائل فيه
****

هابراكا دابراك العايله :-

كل عايله لازم يكون فيها واحد حقود جدا وقلبه اسود
ويٌعتقد انه يتعامل مع مشعوذين والعياذ بالله
دايما تلاقيه واقف عند باب المدارس وقت ظهور الشهادات حتى لو محد من عياله يدرس بهالمدرسه
وياويلك من حوبته اذا ماعزمته على أي مناسبه عائليه او تجمعات
عادي جدا يروح بيته ويصكر الباب وراه ويقول هابراكا دابراك وتنقلب العزيمه فوق راسك
وايضا حذار من مصادفته بالجمعيه او أي مكان لان في اليوم الثاني راح يصير شي لا تحمد عقباه
واذا كنت ضايف عياله بالفيس بوك او أي مكان ثاني لا تشغل الحقد الي بقلبه حتى لا تحصل على بلوك ودليت على افاك


عزابي العيلة:-

او الدون جوان النسوانجي
بيكون حلو (نسبيا طبعا
و بس يزورهم احد من القرايب عندهم بنات يصعد فوق
و يبصبص عليهم من بعيد و تشتغل المسجات و البلوتوثات
هذا يكون عنده شوية غرور على شوية شايف نفسه
يقعد و يحط رجل على رجل و عادة يصير عمرة فوق الاربعين و ما تزوج
و يضل يشتري ستيكرزات (نو غيرلز) ويحطهم على سياراته على امل انها تصيد البنات
و بكل قعدة يتكلم عن غرامياته و يتجمعون حاولينه شباب العايلة
و يوريهم صور و مسجات البنات
****

دكتور العايلة:-

و هذا المسكين اللي ما يتهنى بقعدته
بس يوصل للبيت العود ينلمون علية و يا عايده خواصري تعورني
و اللي تنادي ولدها تعال ور الدكتوره ايدك وحبوبك
هاتي معلقة يا غدير خليها تشوف بلاعيم اخوك
و اللي يعرض عليها روشتات دكاترة ثانية
و اللي يجيبلها صور اشعة
و االلي يقولون شوفيلي ضغطي
طبعا كل القاعدين راح يفحصون ضغطهم بعده
و كل حياتها راح تكون جذي
طبعا اهي ما راح تقصر
و عادي جدا تقولك منو الحمار الي عطاك هذا الدوا قطه و اكتبلك غيره
***
كمبيوترجي العايلة :-

هذا طبعا بعد طفرة الكمبيوتر صار له اهمية كبيرة
بالاول كان الفاشل التافه اللي ما يعرف شي
وضعه مثل دكتور العايلة
و تقول امه بكل فخر
بس تيي كوكو بتضبطلك الكومبيوتر
و الله ما في اشطر منها
امس نزلتلي عاصي و الحب المستحيل
و تجي كوكو المسكينه
شوف كمبيوتر خالتك فوفو اللعبة ما تشتغل ولا حليلها اللغز
و تيفهمها كوكو انه عشان تقدر تلعب اللعبة لازم بالاول تشغل الكومبيوتر
***

طفل العايلة الشيطان :-
هذا اللي بكل جمعه اهل ينادون عليه " سلاااااااااااام سلااااااام "
تعال قولي شسمي او أنا منو
و تلاقي واحد منهم يطالعك من فوق لي تحت كأنه قرفان منك مثل امه
و امه فرحانه فية و كل شوي بتقول يالجيكر
كأنه ما حد خلف غيرها
او النوع اللي بتطلع روحك و انت تحاول تقنعه انك مو لولوو
و ياالله قولي اسمي انتي شاطره
يلا اعطيك حلااااووو
و يكون ابجيبك حلاو مفقصة من مولود او حسينيه قديمه
توريه اياها كنوع من الاغراء
و في حالة كان دكتور العايله قاعد راح ايي التهديد مباشره
اذا ما قلت اسمي الدكتور تطقك ابرة
و أخيرا يقول اسمك اللي ميت تعرفه و عيونه عالحلاو

يتبع...