طبعاً كلنا نعاني من تضييع الوقت عالنت , حتى لو كنَّا مشغول لين الراس و قلنا بنسوي هالجم شغله وأصكه , بتلاقون أنكم نسيتوا الاشياء اللي دخلتوا عشانها , و تهتوا في أشياء فاضية ضيعت عليكم وقتكم و يومكم .
لو شفتوا الموضوع من نظرة بعيدة ,
تدخلون النت مرتين او ثلاث في اليوم .. او تقضون يومكم كله وانتوا ماسكين اللابتوب
لما تفكرون فيها بعقلكم .. ” اووله لهالدرجة أنا عندي وقت فاضي ؟ ”
لا أكيد ! انتوا عندكم أولويات أهم منه بس قاعدين تاخذون من وقتهم على حساب النت :
عشان تعرفون لأي مدى تستفيدون من جلستككم ..
وانتوا فاتحين اللابتوب سألوا نفسكم ” شنو الاشياء المهمة الي ضروري اسويها ؟ ”
., افضل طريقة جربتها بخصوص تنظيم وقتي عالنت , الصق
Note
عالشاشة فيها المهام اللي بسويها فيه .. مثال :-
( عندي بحث , وابي اجيك على مدونتي , ادز ايميل لبيسو …)
لما تحددون مهامكم . لا تسمحون لأي شئ يلهيكم عنهم
ولما تخلصون قفلوا النت وقوموا !! .
., يوم واحد Free في الويكند اخذوا راحتكم فيه بدون ماتلتزمون بشي معين .
يعني اسالكم يا معشر الشبباب ..
الحين مو تبون تدرسون , تطلعون , تسوون خلطات وخرابيط وتهتمون لنفسكم ؟
انزين شلون نقدر نسويهم اذا طول الوقت واحنا جدام النت ..
مانقفله الا لين وقت النوم ..
ولي قمنا او ردينا من الدوام فتحناه لين ماينجبون الغداء او العشا ..
و هكذا الا ان يشاء الله =|
:
لو وقت استخدامكم له طغى على يومكم ,
فعرفوا انكم مقصرين وبتتأثر جوانب كثيرة في حياتكم
منها تاخير وقت الصلاة , ماتسمعون كلام اهلكم , بشرتكم وعيونكم دمرانه – سألوا مجرب :$ - ,
الدراسة تخلونها يوم الامتحان ,الام في الظهر والرقبة .. وغيره كثير من الأمثلة .
., دايما قنعوا نفسكم ان ماراح يفوتكم شي!
يعني شنو فيها لو مادخلتوا النت يوم كامل ؟
كل شي لاحقين عليه ان شاء الله .
جربوا تمنعون نفسكم منه , بتلقون نفسكم قريتوا كتب ,طلعتوا تتمشون , ذاكرتوا , سويتوا رياضة وكل شي أجلتوه بتلقوله وقت .
لو عندكم اشغال كتابية ..مثل تكتب موضوع , او مقالة
” عزلوا نفسكم ” عن الناس وعن النت ..
روحوا لمكان مايوصله الوايرلس وقعدوا فيه ساعتين ليما تخلصون شغلكم .
كل شيء بيدنا .. الوقت , اليوم .. احنا اللي نتحكم .
بس منو اللي يبى يتغير ؟ :)
