للزعل طرق يصعب علينا ممارستها
ولارضاء الزعلان طرق اصعب
انا شخصية ما تزعل بسرعه ابدا
لكن الناس حولي يحسوني ازعل لاني اذا شفت او سمعت شي ما عجبني انسحب من المكان بهدوء
اذا كان الموضوع يزعل فاني اغيب ايام واحيانا تصل لشهور وانا كاتمه كلشي بقلبي
لكن اذا كان الموضوع ما ياثر بقوه اترك الايام تراضيني
الناس اللي تعرفني يخافون زعلي
لانهم عارفين الترتيبات الي تلحق زعلي
انا لا اغضب لكني اهجر
ما ابين للشخص اللي زعلني اني زعلانه لكن احساسي يوصل له من غير لا اقصد
فصاروا القراب مني يعتذرون او يكلموني عادي بسرعة حتى قبل لا يحسون اني زعلت
مشكلتي بسرعه ارضى
و احيانا اقول اني رضيت ويبقى الجرح بقلبي
بس ابدا ابدا ما اعرف اكبر راسي واعاند على الزعل
لان الدنيا ولا شي عشان اخذ منها كل الهموم
كل طرق الترضيه مرت علي
مسج , مكالمه , ييون لحد غرفتي , رساله من تحت الباب , احيانا هدية , او المبادرة بالكلام
لكن هذي الطريقة جدا صدمتني
خلتني ابجي
خلتني انط نط
خلتني ابحث عن صاحبها فقط لارتمي بحضنه واقول والله ما زعلت انا اللي آسفة
شقيقي حبيب قلبي الي اشوفه توأمي بيني وبينه 5 سنوات
اعتبره عالمي
لم نفارق بعض الا عندما اسافر لوحدي
لازلنا متشبثين ببعض رغم اختلاف اهتماماتنا
احبه هكذا ,, ويحبني هكذا
نختلف كثيرا ,, نتشاجر ,, ونرجع بنفس اللحظة وبنفس الدقيقه احسن من اول
احيانا يفاجاني بمسج استغربه لان ردة فعلي معاكسه له ,, بس هو يحس بباطن باطن قلبي اكثر من نفسي
اختلفت معه يوم من الايام ولاول مره ما ناقشته عطيته نظره ومشيت ورحت لقوقعتي
ما اهتميت للامر
وعشت يومي عادي
ما حسيت انه راح ياخذ الموضوع جد
صحيت الصبح ,, لقيت جدام غرفتي سبوره مكتوب عليه رسالة اعتذار !!
كتب فيها توضيح لوجهه نظره
وختمها بــ
i will always love you
:(
I will always LOVE YOU more my brother
